Este proxecto xorde dalgunhas preguntas recurrentes entre profesionais do sector cultural e creativo
Para poder respondelas, esta iniciativa nace como un espazo de investigación e divulgación sobre accesibilidade cultural.
O noso obxectivo principal é mellorar a calidade e o impacto social do traballo das profesionais da cultura, neste caso axudando a planificar e implementar unha accesibilidade real na oferta cultural: das experiencias presenciais á cultura dixital.
Co impulso inicial de BenCuriosa, entidade galega da economía social, e co apoio para a súa posta en marcha da área de Cultura da Deputación da Coruña, realizamos encontros para compartir coñecemento e tecer redes.
Neste camiño sumáronse numerosas entidades sociais que traballan no eido da discapacidade, tamén profesionais expertas na materia e contamos co apoio das principais asociacións sectoriais galegas da Cultura.
Grazas a todas elas puidemos ir contrastando os contidos compartidos nas actividades divulgativas e tamén, de xeito libre e aberto, nesta web.
Entidades sociais colaboradoras: ONCE-Galicia, Asociación de Colaboración y Promoción del Sordo ACOPROS, Federación de Asociacións de Persoas Xordas de Galicia FAXPG, FADEMGA Plena inclusión Galicia, Federación Autismo Galicia, Asociación de Pais de Persoas con Trastorno do Espectro Autista da provincia da Coruña ASPANAES, Federación de Asociacións de Familiares e Persoas con Enfermedade Mental de Galicia FEAFES, Grupo de Persoas con Discapacidade da Coruña GRUMICO, Asociación de Mulleres con Discapacidade de Galicia ACADAR e máis sumándose…
Entidades profesionais da cultura colaboradoras: Curso de Expert* Universitari* en Xestión e Innovación Cultural da USC (CEUXiC USC), Asociación Galega de Profesionais da Xestión Cultural AGPXC, Unión de Cooperativas Galegas Espazocoop, Asociación Galega de Empresas de Artes Escénicas ESCENA GALEGA, Coordinadora Galega de Festivais de Cinema PROXECTA, Academia Galega do Audiovisual, Asociación Sindical de Profesionais Técnicos do Espectáculo TESGAL, Asociación de Profesionais dos Arquivos, Bibliotecas, Museos e Centros de Documentación de Galicia (BAMAD Galicia) e máis sumándose…
