Que é?

Que é?

Este sistema de puntos en relieve, creado por Luis Braille en 1825, achega ás persoas con discapacidade visual profunda ou cegas unha ferramenta válida e eficaz para ler, escribir, acceder á educación, á cultura e á información guiándose só polo tacto.

O alfabeto braille é un sistema que xoga coa combinación de seis puntos que permite obter 64 combinacións diferentes. A presenza ou ausencia de puntos determina o caracter do que se trata.

Man lendo documento en braille

A quen beneficia?

A quen beneficia?

Ata a aparición de tecnoloxías de lectura de pantalla e de contidos sonoros e audiodescritos, o braille era o principal sistema de lectoescritura para unha persoa con discapacidade visual profunda ou cega. As persoas con xordocegueira seguen a depender esclusivamente da existencia deste recurso para acceder a información escrita.

Como implementar esta medida?

Como implementar esta medida?

É preciso coñecer o alfabeto e contar cos medios técnicos para producir materiais en braille. Estes contidos poden integrarse en materiais impresos (libros e publicacións informativas, cartelería, folletos, libros de man de espectáculos, cartelas de exposicións, etc.), ademais de en soportes ríxidos como paneis informativos, pasamáns, mostradores, etc.

Quen pode asesorarme ou axudarme a implementar esta medida?

Quen pode asesorarme ou axudarme a implementar esta medida?

Profesionais e empresas con formación específica e medios técnicos de produción, ademais de entidades sociais que conten con departamentos ou persoal formado:
  • A entidade de referencia neste ámbito é a ONCE. Conta cun servizo especializado de produción bibliográfica, que se encarga de editar en braille, tinta e soportes sonoro e dixital, obras literarias ou textos especializados segundo o interese da obra e a demanda de afiliados á ONCE, que poden solicitar en calquera momento os libros que desexen e necesiten. A través dunha base informatizada, pódense consultar os seus fondos bibliográficos en distintos soportes. Nalgúns casos pode asesorar ou facilitar a súa implementación nun espazo ou acción concreta. Conta con delegacións territoriais: www.once.es
  • A Fundación Once para la Atención de Personas con Sordoceguera (FOAPS) desenvolve accións específicas para este colectivo: www.foaps.es

Ampliar información

Ampliar información

Medidas relacionadas

Trama Braille
Subtitulado2023-07-19T13:25:05+02:00
Subtitulado
Braille2023-07-19T13:24:09+02:00
Braille
Audiodescrición2023-07-19T13:23:16+02:00
Audiodescrición
Espazos e instalacións accesibles2023-07-19T13:22:27+02:00
Espazos e instalacións accesibles
Como interactuar con persoas con discapacidade2023-07-19T13:21:30+02:00
Como interactuar con persoas con discapacidade
Sinalización podotáctil2023-07-19T13:20:30+02:00
Sinalización podotáctil
Lectura fácil2023-07-19T13:19:45+02:00
Lectura Fácil
Pictogramas2023-07-19T13:18:45+02:00
Pictogramas
Comunicación dixital accesible2023-07-19T13:17:42+02:00
Comunicación Dixital Accesible
Símbolos internacionais de accesibilidade2023-05-19T11:06:28+02:00
Símbolos internacionais de accesibilidade