Que é?

Que é?

Son representacións gráficas de espazos, actividades ou conceptos dunha forma que transmite un significado con simplicidade e claridade, máis aló das fronteiras culturais, lingüísticas ou cognitivas.

Existen varios tipos: de sinalización, para a comunicación directa entre persoas, para lectura fácil e na tecnoloxía dixital.

Exemplos de pictogramas

A quen beneficia?

A quen beneficia?

A persoas con discapacidade intelectual, cognitiva ou de desenvolvemento, principalmente. Un colectivo ao que lle resulta de utilidade son as persoas con Trastorno do Espectro Autista (TEA).

Pero tamén ten interese para persoas con discapacidade auditiva, adultos maiores, persoas con baixa formación e en xeral, persoas con dificultades de comprensión.

Como implementar esta medida?

Como implementar esta medida?

Existe unha normativa de referencia a seguir para elaboralos, aínda que tamén existen diferentes bancos de pictogramas que nos ofrecen unhas pautas básicas.

.

.

Estes contidos poden imprimirse en tarxetas ou usar aplicacións móbiles para a comunicación directa. Ademais de poder empregarse en sinaléctica, materiais impresos (cartelería, folletos, libros de man de espectáculos, cartelas de exposicións, etc.), ademais de en soportes dixitais, como páxinas web.

Quen pode asesorarme ou axudarme a implementar esta medida?

Quen pode asesorarme ou axudarme a implementar esta medida?

Profesionais con formación específica en Pictogramas e recursos para a Comunicación Aumentativa e Alternativa (CAA). Ademais de entidades sociais que conten con departamentos ou persoal formado:
  • Unha entidade de referencia neste ámbito é Plena Inclusión. Ademais de recursos informativos, conta cun banco de pictogramas, desenvolve formacións e nalgúns casos pode asesorar na súa implementación nun espazo ou acción concreta. Ten delegacións territoriais: www.plenainclusion.org

  • O Centro Aragonés para a Comunicación Aumentativa e Alternativa (ARASAAC) é outra entidade referencial. Tamén informan, contan con banco de pictogramas e desenvolven formacións: arasaac.org

  • As entidades sociais vinculadas ao colectivo de persoas con Trastorno do Espectro Autista (TEA), como por exemplo a Federación Autismo Galicia: www.autismogalicia.org

Ampliar información

Ampliar información

  • A Fundación Pictoaplicaciones, con sede en Galicia, desenvolveu ao longo dos últimos anos aplicacións que axudan ás persoas con Trastornos da Comunicación na Linguaxe Oral a medrar cada día aprendendo e relacionándose coa súa contorna: Pictosonidos, Pictojuegos, Pictoagenda, Pictocuentos e Wikipicto e grazas á Fundación Barrié tamén se desenvolveu o portal educativo Pictoeduca.

    Unha ferramenta que nos pode resultar especialmente útil é Pictotraductor que, como o seu nome indica, permite facilitar a comunicación con persoas que teñen dificultades para expresarse a través da linguaxe oral e que se comunican de forma máis eficiente a través de imaxes: www.pictotraductor.com

Medidas relacionadas

Trama Braille
Subtitulado2023-07-19T13:25:05+02:00
Subtitulado
Braille2023-07-19T13:24:09+02:00
Braille
Audiodescrición2023-07-19T13:23:16+02:00
Audiodescrición
Espazos e instalacións accesibles2023-07-19T13:22:27+02:00
Espazos e instalacións accesibles
Como interactuar con persoas con discapacidade2023-07-19T13:21:30+02:00
Como interactuar con persoas con discapacidade
Sinalización podotáctil2023-07-19T13:20:30+02:00
Sinalización podotáctil
Lectura fácil2023-07-19T13:19:45+02:00
Lectura Fácil
Pictogramas2023-07-19T13:18:45+02:00
Pictogramas
Comunicación dixital accesible2023-07-19T13:17:42+02:00
Comunicación Dixital Accesible
Símbolos internacionais de accesibilidade2023-05-19T11:06:28+02:00
Símbolos internacionais de accesibilidade