Subtitulado

Nunha subtitulación convencional escoitaremos o audio orixinal, mentres que na parte inferior da imaxe aparecerá o texto no idioma orixinal ou traducido noutra lingua.

O subtitulado descritivo ou para persoas xordas (SPS), regulado pola norma UNE 153010, introduce información que un espectador con discapacidade auditiva non pode percibir:

• Identifica con diferentes cores ou etiquetas os nomes das persoas que están a falar nunha escena.
• Cuestións sonoras relevantes para a trama que indiquen matices interpretativos, acentos, efectos sonoros, ruídos ambientais, banda sonora, etc. Isto conséguese introducindo didascalias, en maiúsculas e entre parénteses, por exemplo: (RISAS), (ACENTO CANARIO), (APLAUSOS), (TIROS), etc.
• Os elementos discursivos que forman parte da obra e están noutras linguas, como etiquetas, pantallas, letras, etc.

Exemplo de subtitulado para persoas xordas, dentro dun proxecto máis integral de cine inclusivo impulsado por Miguel Ángel Font Bisier:

A persoas xordas signantes sen dificultades de comprensión lectora e a persoas xordas que comunican en lingua oral. É importante sinalar que haberá persoas xordas signantes ás que lles resulte máis complicado seguir un contido con subtítulos que con intérprete de LINGUA DE SIGNOS.

Tamén resultará de utilidade a persoas con pérdida auditiva leve e en xeral, a todas aquelas que non dominan a lingua orixinal do contido audiovisual. En contidos audiovisuais xenéricos para redes sociais están moi extendidos tamén porque a reprodución automática é habitualmente sen son.